Nadal consciente: Adornos con historia, da man de Un Mar de Cores + A Despensa que Pensa
Actividades de Nadal para peques
INFORMACIÓN XERAL
Este taller está pensado para as nenas e nenos de Arteixo, e forma parte das actividades creadas pola Asociación das Pequenas Empresas de Arteixo.
Estamos moi orgullosas de contarche que esta proposta nace grazas á gran rede de pequenas empresas que temos no noso concello, e que foi deseñada e posta en marcha por dúas empresas asociada ao CCA.
É unha actividade gratuíta, sempre que presentes un ticket ou recibo de compra de mínimo 10 € por cada inscrición realizada.
Neste caso, o taller está pensado exclusivamente para menores, polo que non é necesaria a presenza dunha persoa adulta durante a actividade.
Con todo, é obrigatorio que a mesma persoa que deixa á nena ou neno sexa quen veña recollelo/a á hora acordada.
Se por algún motivo isto non é posible, a familia deberá comunicarllo ese mesmo día á organización e autorizar expresamente por escrito quen será a persoa responsable da recollida.
En ambos casos, tanto para deixar como para recoller ao menor, será obrigatorio presentar o DNI da persoa autorizada.
Cada nena ou neno require unha inscrición independente.
Unha vez realices a inscrición, recibirás un correo electrónico de confirmación de praza e as instrucións para enviarnos a foto do ticket dentro do prazo establecido.
Unha vez validado o ticket, recibirás a reconfirmación da túa praza.
No caso de non enviar o ticket na forma e nos prazos indicados, a praza liberarase automaticamente para que outras familias poidan utilizala.
A inscrición vai ligada a subscrición ao boletin de noticias da Asociación das Pequenas Empresas de Arteixo, que usamos de forma moi coidada: enviamos pouca comunicación, sempre útil, e serve para manter o vínculo da comunidade, avisar de novas actividades e seguir fortalecendo entre todas a rede de pequenas empresas que dá vida ao noso pobo.
Esta propostas existen grazas á implicación das pequenas empresas de Arteixo, que sosteñen a vida cultural, social e económica do municipio durante todo o ano.
Participar é tamén unha forma de apoiar o que está preto, o que é noso.
DETALLES TALLER
Un taller de Nadal que combina educación ambiental, consumo consciente e expresión artística.
Este Nadal, dúas empresas socias únense para propoñer ás nenas e nenos de Arteixo un taller creativo e sostible.
Por unha banda, Un Mar de Cores, compañía creativa que mestura arte e educación ambiental.
Pola outra, A Despensa que Pensa, unha tenda de residuo cero e produtos ecolóxicos que nos lembra que consumir tamén é unha forma de coidar o planeta.
Xuntas ofrecen un taller de adornos de Nadal no que elaborarán un adorno mentres traballan valores como o consumo consciente, o coidado do medio e a expresión artística. Ao rematar, levarán o seu adorno e unha pequena sorpresa como recordo do encontro.
O taller busca:
• fomentar a creatividade nun entorno lúdico
• achegar á infancia á sostibilidade e ao consumo responsable
• potenciar valores como a cooperación, a paciencia e a alegría compartida
Material que deben traer:
• un frasco de vidro de boca ancha envolto en papel
• unha bolsa de plástico
Idade: Peques de entre 5 e 12 anos
Onde, cando e duración
Lugar: Capela do Balneario
Data: Vernes 26 de Decembro
Hora: 17:30h
Duración: 60 minutos
Para participar nesta actividade
É necesario cubrir o formulario online de inscrición.
Ao facelo, recibirás un correo electrónico de confirmación de praza xunto coas indicacións para enviarnos a foto dun ticket ou recibo, de compra mínima de 10 € nalgun dos establecementos do CCA.
Por cada peque participante deberás cubrir un formulario e enviar un ticket de compra diferente.
Este ticket debe enviarse dentro do prazo indicado; unha vez recibido, reconfirmaremos a túa praza por correo. Se non o envías no prazo e forma establecidos, a praza liberarase automaticamente para que poida ser utilizada por outras familias.
A inscrición implica tamén a subscrición ao boletín de noticias da Asociación das Pequenas Empresas de Arteixo, que usamos con moito coidado: comunicamos pouco, sempre con contido útil que serve para fortalecer a comunidade local e manterte ao día das actividades.